Ditu kitai ningaka cherita Damu ti irauka uchu iya Tegong enggau Kilat ti midah enggau nadai madahka Iya.Taja pia ati iya enda irau sepengudah iya dipadahka Tua iya ari mimpi.
Penatai Tegong enggau Kilat disambut Aki iya Damu enggau ati gaga. Sida iya serumah pan sama kiruh nyediaka diri nyambut penatai Tegong enggau Kilat ti mai antu pala.
Ditu kitai ningaka Bujang Lembau mai anak iya Tegong Enggau Kilat belaban enggau munsuh laban deka ngujika pemerani anak iya dua iku nya. Tegong bulih 4 igi pala lalu Kilat bulih 3 igi pala. Kelimpah ari nya Bujang Lembau mega mayuh meri jaku ajar ngagai anak iya dua iku nya.
Cherita ditusun sereta ditusi Tuai Thomas Tegong Laka.
Ba tusun sekali tu Bujang Lembau mai anak iya Tegong Enggau Kilat meda pendiau pengidup bansa Jengkang ti makai mensia, sida iya mega munuh anak diri empu maya bisi pengawa baka nugal. Sida iya 3 lalu ngelepaska anak Jengkang ti deka dibunuh kelauk sida iya di umai nya.
Bujang Lembau mega mai anak iya nemuai ngagai endur alai Bujang Lembau diau lalu madahka anak iya kebuah iya enda selali enggau apai sereta bala menyadi iya ti bukai ngujungka iya lalu disumpah apai iya tegal ti udah buya begulai enggau anak mensia.
Ditu kitai ningaka cherita Bujang Lembau ti nguji pemerani anak iya. Taja pia Indai iya Senaie sigi dulu nemu laban dipadahka Bujang Lembau. Ditu mega Bujang Lembau meri ubat ngagai anak iya lalu meri ajar ngagai anak iya dua iku nya.
Ditu kitai ningaka orang Panggau ti datai ngabang ngagai rumah panjai sida Damu.Mayuh amai utai ti nyelai nyadi maya nya. Sida serumah ti bisi salah pengawa lalu luput tauka ngelingkang enda nemu diri sampaika telanjai. Nya mih chara orang Panggau ngagai sida serumah ti bisi salah pengawa.
Agi bisi penanggul Audio kitai ba tusun ke 12 tu laban tu sama penanggul ari tusun ke 11 suba. Kitai mega ninga cherita tu pandak mimit ari selama ketegal penanggul nya tadi ti enda ulih diseliahka. Taja pia jalai cherita tetap sama enda rari ari ke patut iya.Minta ampun ketegal penanggul tu.
Sepengudah Bujang Lembau madahka diri dia deh Damu enda irau ati agi lalu berasai gaga. Iya mega minta ampun ngagai Bujang Lembau. Bujang Lembau mega enda ngasuh Damu irau ati ke bini iya Inja ti udah ditabanka Ngau Padan.Udah Chukup bulan dia deh Senaie pan beranak lalu ngadaka Kilat enggau Tegong.Mayuh utai nyelai nyadi maya seduai menyadi tu ada ke dunya.
Cherita Bujang Lembau ba tusun ke 11 ti ditusun sereta ditusi Tuai Thomas Tegong Laka lalu dikeluarka ari channel PBP.
Bisi laun mimit diupload sereta laun keluar ari selama ba tusun ke 11 tu laban bisi penanggul ba audio.Ba tusun ke 12 pan bisi penanggul audio baka tu. Ari nya naka ulih aku nyeruri lalu ngemanahka audio nya. Pekara tu nyadi tegal bisi salah teknikal mimit maya ti shooting maya nya. Kabel audio ianya microfon ukai semina enda ingat "on" tang mega enda ingat sambung. Lebuh maya iya enda ingat mih nya. Arap kita sabar lalu aku naka ulih mega ngeluarka cherita tu nitih ke patut.
Ba tusun ke 11 tu Damu nguji nanya sida Damat kini ke penunga bini iya Inja laban Senaie ke bedau ulih bejaku laban ti raguk bai kelalu bendar nyabakka indai iya.Taja pia sida Damat madahka diri enda nemu kini ke penunga Inja. Damu mega tekenyit meda semua utai udah disediaka magang kena Senaie beranak lebuh ti ngabas Senaie di langkau umai nya. Lebuh Damu majak nanya sereta nukik Senaie, dia deh Bujang Lembau lalu datai ngayanka diri ngagai Damu. Nya ngasuh ati iya chukup tekenyit sereta irau .
Bujang Lembau. Cherita ditusun sereta ditusi Tuai Thomas Tegong Laka.
Damu berasai tusah ati laban bini iya Inja enda pulai ari Umai. Senaie mega tusah ati udah ditinggalka Indai iya laban ti udah ditabanka Ngau Padan. Udah nya Bujang Lembau datai ngayanka diri betemu enggau Senaie.Iya lalu madahka diri sapa iya. Iya mega madahka anak ba kandung Senaie nya sigi anak iya.
Bujang lembau mega madahka Senaie kini ke tunga Indai iya Inja.
Damu datai ngagai langkau umai endur Senaie diau laban deka ngabas bini iya Inja enggau anak iya Senaie.
Tegal ti malu laban udah ngandung dia deh Senaie bemalam ba langkau umai.Taja di tagang Damu enggau tang deh Indai iya Inja tetap nitihka anak iya Senaie bemalam ba langkau umai.Berita pemajik Senaie datai ba pending Ngau Padan, iya lalu mutus ati deka ngambi Senaie ke bini iya.
Ngau Padan mai Balan enggau Jok ngiga lalu deka mai Senaie pulai diambika bini iya. Datai di umai sida Senaie, enda checamang dia deh sida Ngau Padan lalu nabanka siku indu rari pulai ke rumah sida iya.
Tusun ke 8 tu kena kami duai iya nganti tusun ke 7.
Aku ngarika kami dua minta ampun nusun jari sepuluh tegal tusun ke 7 tu nyau mayuh ngading utai ke bukai.Aku mega udah berandau enggau Tuai Thomas Tegong Laka pasal utai tu.Ari nya kami dua sama setuju ngeluarka tusun ke 8 diatu kena "ngubat" ati kita peninga ti udah lama nganti sambung ba tusun ke 7 tu.
Udah tu ila "iklan" pan deka dikurangka agi sereta sinopsis cherita ke dulu enda disebut iga laban kita sama ulih meda ba youtube,ukai baka ba radio.enti tinggal sigi enda ulih ninga agi.Minta ampun semua, anang nganu kami dua au.Kitai sama belajar ari utai ti salah,nya mih kami dua minta kita meri komen,share,like & subscribe.Terima kasih. ari Embat Lala (Channel PBP)
Berita Senaie ke ngandung pan udah ditemu apai iya Damu. Damu chukup ringat sereta pedis amai ati meda anak iya ngandung lalu enda ditemu sapa laki enggau iya beleman. Berita Senaie ke ngandung mega udah ditemu sida iya serumah, nya ngasuh Senaie chukup malu sereta takut amai ke apai iya Damu.
Udah nya Damu lalu nugungka sida iya serumah laban deka ngasuh anak iya Senaie nya ngambu, ni bagi laki ti ngayahka iya. Taja pia Senaie lalu enda ngambu, nya ngujungka Damu ringat bendar lalu nyintak nyabur iya tang lalu ditagang Ujai enggau Nyelipan.Maya utai charut nya mih Bujang Lembau lalu datai ngayanka diri ba perabung rumah sida iya.Nya ngasuh sida serumah nyau pepar begau meda utai nyelai baka nya.
Ditu kitai ningaka Ujai ti udah mujur ngaga kayau anak ke menua munsuh. Kitai mega ningaka bala Ujai enggau Nyelipan nurun ngiga Damu ti ditinggang penusah. Sida iya ti bejalai nya bemalinka munyi nyawa burung menaul ti semampai kelik-kelik madahka tunga jalai ngiga Damu. Nyau ka datai ba endur lubang batu alai bala Ukit diau, sida iya berasai irau ati meda bangkai orang nyau betelengkai mati baka ke dikeramak utai.Ditu mega sida iya lalu betemu enggau Bujang Lembau ti nulung Damu ari ti dibunuh bala Ukit. Udah nya kitai ningaka sida Ujai belaban enggau bala Ukit ti nyerang sida iya.
Sida Ujai enggau nyelipan bendar belaban enggau Aran laban Aran tu orang ti chukup besai sereta kering ti nyadi tuai bala Ukit nya dia.
Pengingat Tuai TTL ba tusun ke 3 tu kitai ningaka cherita Damu diperekas bala Ukit ti betuaika Aran. Nyepi diri enda ulih ngelaban agi dia deh Damu lalu manjung minta tulung.Maya nya mih Bujang Lembau lalu datai ngesah penusah iya lalu belaban enggau bala Ukit. 3 Iku burung menaul ti nyadi Tuaq Damu lalu terebai pulai ke rumah panjai sida iya ba Emperan Rusa madahka penusah Damu.
Ba tusun ke 3 tu mega kitai ningaka siku manuk sabung sida serumah ti benama Ujai nurun ngaga kayau anak.
Ba Tusun kedua tu kitai ningaka cherita Damu ti nurun bejalai ke kampung puang kediri aja tegal ti ringatka anak iya Senaie laban enggai nyadi anak umbung. Tang deh enda memukai lebuh iya rembus ba siti bukit ti bisi lubang batu iya lalu diserang bala Ukit. Tegal ti labuh, iya lalu luput enda nemu diri. Lebuh ti ngeleda iya meda diri udah ditanchang bala Ukit enda ulih ngelaban agi.
Maya tu mih Bujang Lembau ti seninjik bendar bisi ninga panjung iya lalu datai ngesah penusah lalu nulung Damu. Tuaq Damu ianya tiga iku burung menaul lalu terebai ke rumah panjai sida Damu ba Emperan Rusa, Batang Kanyau madahka penusah Damu.
Nama penyadi Damu udah tu ila? Ulihka enda Bujang Lembau nulung Damu ari ti dibunuh bala Ukit? Kati chara Tuaq Damu ianya tiga iku burung menaul nulung iya? Ulihka enda sida serumah nemu penusah Damu?
Ba tusun ke -1 tu, kitai ningaka TTL bejaku madahka pengaga ati iya ngagai bala peninga tegal sambut ti chukup manah ari peninga ti rinduka Pengingat Tuai. Ba tusun ke-1 tu semina pemuka jaku ngasuh peninga nyukung sereta meri peransang ngena chara SUBSCRIBE,SHARE, LIKE & KOMEN program PENGINGAT TUAI TTL ti keterubah iya keluar nengah youtube ba CHANNEL PBP tu.
Ditu mega iya mai peninga ngelansa ari ni asal penatai menua Aki Damu maya cherita tu nyadi lebuh sida iya berumah ba Emperan Rusa di Sungai Piang, Batang Kanyau, Kapuas, Kalimantan, Indonesia.
Iya empu ti peturun Aki Damu ke 16 serak pan udah datai nemuai batang tubuh iya empu ke tembawai alai cherita tu nyadi ianya kira taun 1600 kelia.
